پاکستاني چارواکو ویلي چې په دغه هېواد کې د وروستیو موسمي سېلابونو او ورښتونو لامله ۱۵۶ کسان مړه شوي دي.
اسوشیټيډپرس پنجشنبه د اګست پر ۸مه راپور ورکړی چې د پاکستان په بېلابېلو سیمو کې د وروستیو شپږو اوونیو وروښتونو او ناڅاپي سېلابونو کې د مړو شمېر ۱۵۶ کسانو پورې رسېدلی دی.
د پاکستان د طبیعي پېښو د مدیریت ملي اداره وايي چې د جولای له لومړۍ راهیسې د بلوچستان سوېل ختیځ ایالت په لرې پرتو سیمو کې یو زر او ۸۰۰ کورونه او باغونه زیانمن شوي او د لاهور په ختیځ کې ګڼ سړکونه سیلابونو لاندې کړي دي.
ورته مهال، د ژغورنې نړیوالې کمېټې د پنجشنبې پر ورځ اعلان کړی چې په پاکستان کې د احتمالي بارانونو لپاره خپل چمتوالی ګړندی کوي.
په پاکستان کې د دغې کمېټې مدیرې شبنم بلوڅ ویلي: «زموږ لومړیتوب دا دی چې دا یقیني کړو چې اغېزمنو ټولنو ته په وخت او کافي مرستې ورسېږي څو د دې بشري ناورین د ژورېدو مخه ونیول شی.»
په پاکستان کې د روان کال په اپرېل کې هم ورښتونو او تالندې ۴۱ کسان مړه کړي وو.
