په هرات کې سیمهییزې سرچینې وايي چې په دغه ولایت کې یو زلمي خپل پلار وژلی دی.
سرچینو یکشنبه د غبرګولي پر ۶مه ویلي چې دا هلک بلال نومېږي او ۱۷ کلن دی.
د سرچینو په وینا، بلال پرون د کرخ ولسوالۍ په نصراباد کلي کې له بامه پر خپل پلار ډبره غورځولې.
که څه هم تر اوسه طالبانو په رسمي ډول په دې اړه څه ویلي نه دي؛ خو ځينو سرچینو د دې پېښې لامل کورنۍ ستونزه بللې او د تورن د نیول کېدو پخلی یې هم کړی دی.
څه موده وړاندې هم یو ځوان د غور په تیورې ولسوالۍ کې خپل پلار وژلی و.
د یادونې ده چې پرون په هرات کې یو کس خپلې دوه مېرمنې وژلې وې.
