د قزاقستان ولسشمر قاسم جومارت توکایف د شانګهای همکاریو سازمان غړو هېوادونو بهرنیو چارو وزیرانو سره په ناسته کې ویلي چې د افغانستان وضعیت جدي پاملرنې ته اړتیا لري.
د ترند خبري اژانس د راپور په حواله، نوموړي سهشبنه د غبرګولي پر لومړۍ ویلي چې له یو انساني ناورین څخه د مخنیوي او اوږدمهالي ټيکاو رامنځته کېدو لپاره د هڅو دوام اړین دی.
توکایف اقلیمي بدلون ته د هېوادونو پر ځانګړې پاملرنې ټينګار کړی دی.
نوموړي زیاته کړې: «له پېښېدو وړاندې د سملاسي ګامونو له پورته کولو پرته به دا ستونزه زموږ سیاره د نړیوالو طبیعي پېښو په ډراماتیک پړاو کې راولي. د هوا سخت شرایط د نړۍ ترټولو لویې ننګونې په توګه د رادبره کېدو په حال کې دي.»
د قزاقستاني ولسمشر په وینا، له طبیعي اپتونو سره د مبارزې لپاره د شانګهای همکاریو سازمان په کړنلارو کې د سمونې اړتیا شته.
د یادونې ده چې د شانګهای همکاریو سازمان غړو هېوادونو د بهرنیو چارو وزیران د غويي پر ۳۱ او د غبرګولي پر لومړۍ په افغانستان کې له ټيکاو سره د مرستې په تړاو خبرې اترې کړې دي.
روسیه، ایران، هند، قزاقستان، قرفیزستان، چین، تاجکستان، ازبکستان او پاکستان د شانګهای همکاریو سازمان غړي دي.
