له دوه میاشتني ځنډ وروسته، د طالبانو ویاند ذبیحالله مجاهد ویلي چې مشر یې هبتالله اخوندزاده د ۱۴۰۳ مالي کال بودیجه توشیح کړه.
مجاهد سهشنبه د غبرګولي پر لومړۍ په خپله اېکسپاڼه کې لیکلي چې دا بودیجه له «هر اړخیز غور» وروسته توشیح شوې ده.
نوموړي لیکلي: «د روان مالي کال په بودیجه کې د خلکو اړتیاوې او لومړیتوبونه په پراخه کچه په پام کې نیول شوي، همدارنګه د سږکال مالي بودیجه هم لکه د تېر کال په څېر له خپلو کورنیو عوایدو چمتو شوې ده.»
مجاهد زیاته کړې چې د طالبانو مالیې وزارت به د تېر په څېر د سږکال مالي بودیجه هم د هېواد په مالي سیستم کې ځای پر ځای کړي.
نوموړي د دغې بودیجې په اړه نور جزییات ورکړې نه دي.
د یادونې ده چې دولتي کارکوونکو ته پر وخت د معاشونو نه ورکړې لامله له پراخو ستونزو سره مخ دي.
