د ناروې لومړي وزیر یوناس ګار استوره په رسمي توګه د فلسطین هېواد د رسمیت پیژندنې اعلان وکړ.
استوره چهارشنبه د مې پر۲۲مه د یوې اعلامیې په خپراوي سره ویلي چې په منځني ختیځ کې د دوو «دولتونو» له رامنځته کېدو پرته به د سولې راتګ ناشونی وي.
د هغه په خبره، د فلسطيني دولت په رسميت پېژندل د منځلارو ځواکونو د ملاتړ په مانا دی چې د جګړو د کموالي لپاره د خپلې دندې د ترسره کېدو په حال کې دي.
په اعلامیې کې د ناروې د لومړي وزیر په حواله راغلي: «موږ نورو هېوادونو ته یو قوي پیغام استولی څو له مونږ او اروپايي هېوادونو څخه الګو واخلي او د فلسطین دولت په رسمیت وپېژني.»
هغه ټینګار کړی: «د فلسطيني دولت په رسميت پيژندل کيدای شي د دوو دولتونو د حل بهير د بيا پيليدو لامل شي او هغې ته نوی شتاب ورکړي، ځکه چې د غزې جګړه د فلسطین د مسئلې د حل پر بنسټ سولې او ثبات ته د رسېدو پر اهمیت ټینګار لري.»
د هغه په خبره، موخه یې د سیاسي پلوه د یو خپلواک فلسطیني دولت جوړول دي.
ایرلنډي چارواکو هم ویلي چې ټاکل شوې د دغه هېواد دولت فلسطین د یو خپلواک هېواد په توګه په رسمیت وپېژني.
