په فارياب او غور ولايتونو کې سيمهييزې سرچينې وايي چې په دغو ولايتونو کې ځپونکو سېلابونو تر ٣٠ زيات کسان مړه کړي او ګڼ مالي زيانونه يې اړولي دي.
د فارياب ولايت سرچينې ورځپاڼې مني چې شنبه د غويي پر ۲۹مه د ميمنه ښار په پنځو ولسواليو او شاوخوا سيمو کې سېلابونو يو ځل بيا ځايي اوسېدونکو ته ځاني او مالي زيانونه اړولي دي.
د سرچينې په خبره، تر اوسه د دغو سېلابونو له کبله د ٢٥ کسانو وژل کېدل منل شوي.
دا احصایه لومړنۍ ده او د زیاتوالي اټکل یې شته دی.
د جمعې په ورځ هم د فاریاب په بلچراغ، المار، قیصار، پښتونکوټ او د خیبر په ولسوالیو کې سېلابونو ۱۸ مړه کړل.
ورته مهال د بادغیس سیمهییزې سرچینې وايي چې د دغه ولایت د قادس ولسوالۍ په «کرکیا» کلي کې تېره شپه سېلاب یوه او ښځه او د هغې دوه ماشومان مړه کړي.
د سرچينې د معلوماتو پر بنسټ، د دغې طبيعي پېښې له کبله دوه نور کسان په قادس او ابکمري ولسواليو کې مړه شوي دي.
د یادونې ده چې په دې وروستيو کې د هېواد په بېلابېلو ولايتونو کې د سختو بارانونو او سېلابونو راوتلو له کبله خلکو ته ځاني او مالي زيانونه اوښتي دي.
