د پاکستان لومړي وزیر شهباز شریف له افغانستان او اذربایجان سره د «ترجیحي سوداګرۍ» په هکله د خبرواترو او بیاکتنې لپاره د اسلاماباد د چمتووالي خبر ورکړی دی.
د ډان ورځپاڼې د راپور پر بنسټ، شریف دا څرګندونې جمعه د غويي پر ۲۱مه د پاکستان د کابینې په «اقتصادي غونډه» کې کړې دي.
هغه ویلي چې له اذربایجان، افغانستان او نورو ګټه اخیستونکو هېوادونو سره د ترجیحي سوداګریزو تړونونو په هکله رایهاچونه روانه ده.
پاکستاني چارواکو په دې هکله نور جزئیات نه دي ورکړي.
پر دې سربېره په دې غونډه کې له افغانستان سره د ټرانزیټي سوداګرۍ پر «دقیقې څارنې» هم ټینګار شوی دی.
تر دې دمخه طالبانو ویلي و چې دوی په کابل کې له پاکستاني پلاوي سره په سوداګریزو خبرواترو کې هوکړې ته رسېدلي څو د دواړو هېوادونو ترمنځ سوداګري او د توکو لېږدرالېږد اسان شي.
