په کابل کې سیمهییزې سرچینې وايي چې طالبانو د دغې ډلې د بهرنیو چارو وزارت د دویم سیاسي ریاست جګپوړی ډيپلومات سېد نبي نبیل له څلور ورځني بند وروسته خوشې کړی دی.
سرچینو له ورځپاڼې سره خبرو کې منلې چې سېد نبي نبیل دوشنبه د غويي پر ۱۰مه له غرمې وروسته د طالبانو استخباراتو له څلويښتم ریاست څخه ازاد شوی دی.
نوموړی د غويي پر ۷مه د کابل ښار ۱۵مې حوزې اړوند د مسعود ښارګوټي په سیمه کې له خپل کور څخه نیول شوی و.
نوموړی چې د جمعیت ګوند غړی هم دی، تر اوسه یې د نیولو لامل څرګند نه دی.
سيد نبي نبيل د تخار د فرخار ولسوالۍ د سنګاتش کلي اصلي اوسېدونکی دی او د تېر حکومت پرمهال په کويټ او سعودي عربستان کې د افغانستان د سفارتونو مرستيال و.
هغه په لومړي مقاومت کې احمدشاه مسعود نږدې کس و او د طالبانو له واکمنۍ وروسته یې د دغې ډلې تر کنټرول لاندې په بهرنیو چارو وزارت کې دنده لرله او کابل ښار کې یې ژوند کاوه.
د يادونې ده چې طالبانو د خپلې واکمنۍ راوروسته د پخواني حکومت یو شمېر سرتېري نيولي، بنديان او شکنجه کړي او ان په ځينو پېښو کې يې وژلي دي.
طالبانو بیا په وار وار دا ډول ادعاوې رد کړې دي.
اړوندې لیکنې :
- د امریکا د بهرنیو چارو وزارت: واشنګټن د خپلو ملي ګټو د خوندیتوب لپاره له طالبانو سره تعامل کوي
- د لیتوانیا بهرنیو چارو وزارت له خپلو وګړو غوښتي چې افغانستان ته سفر ونه کړي
- د امریکا د بهرنیو چارو وزارت: د افغانستان خلکو ملاتړ ته دوام ورکوو
- د پاکستان بهرنیو چارو وزارت: د افغانستان په خاوره کې مو د اطلاعاتو پر بنسټ عملیات کړي
- د اسپانیا د بهرنیو چارو وزارت په بامیان کې د خپلو درېیو وګړو وژل کېدل ومنل
- د امریکا د بهرنیو چارو وزارت مرستیال د افغانستان په هکله د خبرواترو لپاره قطر او پاکستان ته سفر کوي