ځايي سرچينې وايي چې د کندهار-هلمند پر لويه لاره د يوې ترافيکي پېښې له کبله ٢١ کسان مړه او ١١ نور ټپيان شوي دي.
سرچینې ته منلې چې دا پېښه یکشنبه د کب پر ۲۷مه د هلمند ولایت د ګرشک ولسوالۍ اړوند سیمه کې رامنځته شوې ده.
دا پېښه وروسته له هغه رامنځته شوه چې یو ۵۸۰ ډوله مسافروړونکي موټر د تېلو له یوه ټانکر او موټرسایکل سره ټکر وکړ.
د سرچينې په خبره، له دې وروسته د سپرلۍ موټر چې څو کسان پکې سپاره وو، اور اخیستی او په بشپړه توګه سوځېدلى دى.
د طالبانو د وروستیو شمېرو له مخې، په تېرو ۱۰ میاشتو کې په هېواد کې د ترافیکي پېښو له کبله څه باندې یو زر او ۶۰۰ کسان مړه او له څلور زرو ډېر بیا ټپيان شوي دي.
د سړکونو خرابوالی او ترافیکي قوانینو ته نه پاملرنه د دې ډول پېښو لوی لامل بلل کېږي.
