د ملګرو ملتونو پراختیايي پروګرام (UNDP) وايي چې په افغانستان کې یې تر ۱۶ زرو ډېرو ښځو ته «لنډمهاله کاري فرصتونه» برابر کړي دي.
یواېنډيپي دا څرګندونې دوشنبه د کب پر ۲۱مه په خپله اېکس پاڼه کې لیکلي دي.
د دغه سازمان په خبره، هغه کورنۍ چې مشري ښځو ته ورپه غاړې ده، د خپلو اړتیاوو د پوره کولو لپاره له جدي ستونزو سره لاس او ګریوان دي.
ملګري ملتونه په داسې حال کې د ښځو له کاره پر ملاتړ ټینګار کوي چې طالبانو له څه باندې دوه نیمو کلونو راپدېخوا پر ښځو پراخ بندیزونه لګولي دي.
په کورنیو او بهرنیو نادولتي ادارو کې د ښځو پر کار د طالبانو بندیزونو په هېواد کې لسګونه زره ښځې پر کورونو کېنولي او خلکو ته یې د بشري مرستو د رسونې په لاره کې ګڼې ننګونې رامنځته کړې دي.
مرستندویه بنسټونو او د نړۍ هېوادونو تل د ښځو پر کار د بندیزونو د لیرې کولو غوښتنه کړې؛ خو طالبانو دغو غوښتنو ته مثبت ځواب نه دی ښودلی.
اړوندې لیکنې :
- ملګري ملتونه: افغانستان د اوبو کمښت له یوه قوي ناورین سره مخ دی
- ملګري ملتونه: په افغانستان کې وروستیو سېلابونو ښځې او ماشومان ډېر اغېزمن کړي
- ملګري ملتونه: له پرېکړو د ښځو څنډې ته کول به افغانستان له هر ډول چانس څخه بېبرخې کړي
- ملګري ملتونه: که د افغانستان نفوس ۱۰۰ کسان وي، ۴۷ یې بشري مرستو ته اړتیا لري
- د «ځمکې ورځ»؛ ملګري ملتونه: افغانستان له وچکالۍ او اقلیمي بدلونه کړېږي
- ملګري ملتونه: وروستیو سېلابونو په افغانستان کې ۸۰ زره کسانو ته زیان اړولی