د طالبانو سترې محکمې اعلان کړی چې په هرات کې یې اته کسان په درو وهلي دي.
د طالبانو سترې محکمې پنجشنبه د کب پر ۱۰مه په یوې خبرپاڼه کې ویلي چې دا کسان د نظامي محکمې د حکم پر بنسټ په درو وهل شوي دي.
طالبانو د دې کسانو «جرم« «وهل ټکول او بېعزتي» بللی او ویلي دي چې دا کسان په پنځه میاشتې بند او ۲۰ درو محکوم شوي دي.
د دغو کسانو د هویت په اړه څه ویل شوي نه دي.
د یادولو ده چې طالبانو په تېرو څو ورځو کې درې کسان په عام محضر کې اعدام کړي دي.
د دغو درېیو کسانو له ډلې دوه یې په غزني او یو بل یې په جوزجان کې د ملا هبتالله له تایید وروسته اعدام شوي دي.
