په کندهار کې د طالبانو والي ملا محمدشیرین اخوند د دغه ولایت ټولو ادارو ته د یو مکتوب په استولو په رسمي او نارسمي ناستو کې پر هر ډول تصویر اخیستلو او ویډیو کولو بندیز لګولی دی.
دا مکتوب نن یکشنبه د سلواغې پر ۲۹مه رسنی ته رسېدلی دی.
په دې مکتوب کې ټولو ادارو امر ته شوی چې د خپلو فعالیتونو راپورونه په لیکلي او غږیزه بڼه خپاره کړي.
د دغه مکتوب له مخې، د ذی روح(ساه لرونکي) له تصویر اخیستلو دې ډډه وشي، ځکه د دغه لیک پر بنسټ، له «ګټې یې زیان» ډېر دی.
له دې وړاندې، په فاریاب او جوزجان کې د امر بالمروف او نهی عنی المنکر مامورانو په ودونو کې د ویډیو او انځور اخیستلو مخنیوی کړی و.
پر افغانستان د طالبانو له واکمنېدو وروسته، د خلکو پر ټولییز ژوند ډېر محدویتونه لګول شوې دي.
همدا اوس په هېواد کې د نجونو پر مخ د ښوونځيو او پوهنتونونو درازوې تړلې دي او ښځو ته له کوره بهر هم د کار اجازه نه شته.
