په میدانوردګ كې د يوې ترافيكي پېښې له امله درې کسان مړه او درې نور ټپيان شوي دي.
دا پېښه د جمعې ورځ، سلواغې پر ۱۳مه، سهار ۷:۰۰ بجې د سیداباد ولسوالۍ په کلاعزیز سیمه کې رامنځته شوې ده.
پېښه د یوې «کرولا» او ۵۸۰ ډوله مسافر وړونکي موټرو د ټکر له امله رامنځته شوې ده.
يوه روغتيايي سرچينه وايي چې ټپيان د غزني ولايتي روغتون ته لېږدول شوي دي.
د موټرچلوونکو بې احتیاطي او د موټرو ډېره چټکتیا د دې پېښې د رامنځته کېدو لامل په ګوته شوی دی.
دا په داسې حال کې ده چې دوې ورځې وړاندې هم د دې ولسوالۍ په شنیز سیمه کې د یوې ترافیکي پېښې له امله ۱۱ کسان ټپیان شوي وو.
