د جمهوري نظام د سولې وزارت مرستیال او پخواني ژورنالېست عبدالله خنجاني له پاکستان سره د افغانستان د غیر پښتنو ادعا شوې دښمني د دوی« تاریخي حماقت» ګڼلی او تور یې پورې کړی چې غیر پښتنو دا ادعا شوې دښمني د پښتنو د واکمنۍ د ټینګښت لپاره کړې ده.
نوموړي په خپله ټویټر پاڼه کې د طالبانو د دفاع وزیر ملا یعقوب مجاهد په اړه د پاکستان د جمیعت علمای اسلام کوند د مشر ملا فضل الرحمان هغه ادعا شوې خبره نقد کړې، چې د فضل الرحمان په وینا ملا یعقوب ورته کړې.
فضل الرحمان ادعا کړې، چې ملا یعقوب د کابل د سفر پر مهال ورته ویلي: طالبان د ځان او پاکستان ترمنځ هیڅ کوم توبیر نه ویني.
د فضل الرحمان له لوري، ملا یعقوب ته منسوبه شوې دغه خبره د نوموړي او ورته نیږدې کسانو له لوري رد یا تایید شوې نه ده.
د فضل الرحمن یاده ادعا د افغانستان انټرنشنل تلویزوني شبکې له لوري خپره شوې.
دغه شبکه، د منتقدانو لخوا ډېر ځله د طالبانو خلاف په تبلیغاتو او د خبرونو په تحریفولو تورنیږي.
د سولې د ړنګ شوي وزارت مرستیال خنجاني د دغې ادعا په اړه زیاته کړې، چې کرزی او اشرف غني دواړه پاکستان سره ښه وو او د ده په ټکو، طالبان اوس د افغانستان په شمال کې د پښتونخوا د وګړو د مدغمولو په حال کې دي.
نوموړي د افغانستان غیر پښتانه قومونه د پاکستان دښمنان ګڼلي او دا یې د دوی تېروتنه ګڼلې.
خنجاني په دې ډول غیر پښتانه هڅولي، چې پاکستان سره نیږدې شي او ښې اړیکې ورسره وپالي.
اړوندې لیکنې :
- په افغانستان کې د پښتنو د کلتوري زوال او وروسته پاتي لاملونه
- له مولانا سره د طالبانو دښمني؛ د مینې رڼا په تشدد نه ختمیږي
- بلخ او بدخشان د پښتنو سیمې نه دي
- دغویي اتمه؛ د پښتنو په منځ کې د قرباني احساس او د طالبانو راپورته کېدل
- اروپا ته د ملي اتل تاریخي سفر؛ احمدشاه مسعود ولې په اروپا کې هرکلی وشو؟
- په افغانستان کې د "پاکستان لپاره د طالبانو د حکومت" ملاتړي