دغه منظورې شوې پروژې د طالبانو د دفاع، کورنیو چارو، مخابراتو او معلوماتي ټکنالورۍ وزارتونو او د افغانستان د برېښنا شرکت او کابل ښاروالۍ په بېلابېلو برخو یادې شوې دي.
د طالبانو د ریاست الوزرا له دفتره په خپره شوې خبرپاڼه کې راغلي چې، د چهار شنبې په ورځ د (لیندۍ ۱۵مه) د طالبانو د ریاست الوزرا اقتصادي مرستیال ملا عبدالغني برادر په مشرۍ د یادې ډلې د ملي تدارکاتو کمیسیون په غونده کې د څلور میلیاردو افغانیو په ارزښت ۱۸ پروژې منظور کړې.
په خبرپاڼه کې ویل شوي چې په منظورو شویو پروژو کې د وردګو ولایت د چک بند د پاتې چارو بشپړول، له ارغندۍ څخه تر غزني پورې د ۲۲۰ کیلو ولټ بریښنا د لین غځولو پاتې چارو بشپړول، د هرات او تور غونډۍ د ۲۲۰ کلیو ولټ لین چمتوکول، د زابل د شهر صفا ولسوالۍ تر مانجې پورې د سړک بیارغونه، د کابل ـ لوګر سړک د دوهم لین د پاتې چارو بشپړول، د باکیفیته او چټکو انټرنیټي خدمتونو وړاندې کول او یو شمیر نورې پروژې شاملې دي.
طالبانو پر یادو پروژو د کار د پیل د مودې په اړه څه نه دي ویلي خو وايي د یادو پروژو په پلې کېدو سره به زرګونو هیوادوالو ته کاري فرصتونه برابر شي.
اړوندې لیکنې :
- طالبانو په خوست کې د یوه قومي مشر د ۷۰۰ زره ډالرو په ارزښت کور د بلډوزر په وسیله ویجاړ کړ
- نن د جاپاني الاصله افغان بشرپاله تیتسو ناکامورا د وژنې څلور کاله پوره شول
- طالبان او د افغانستان د خلکو استثمار
- طالبان وايي له روسیې سره یې ډیپلوماټیکې اړیکې د پراخېدو په حال کې دي
- طالبان: په کندهار او لښکرګاه ښارونو د کجکي بند برېښنا پرې شوه
- په ویاړ،طالبان دنجونو ښوونځیو پرانستل ردوي