د افغانستان د ښځو د تاریخ د تحول په نوم غورځنګ د طالبانو له لوري په هرات کې د ښځو لپاره د برقع د اجباري کولو پرېکړه غیرانساني او د ښځو ضد اقدام بللې ده.
د دې غورځنګ یو شمېر غړو د جمعې په ورځ د اعتراض په توګه خپلو برقعانو ته اور هم اچولی دی.
غورځنګ په خپله اعلامیه کې ویلي، چې طالبان د ښځو پر وړاندې د زور، ګواښ او سپکاوي تګلاره دوامداره کړې ده او له نړیوالو بنسټونو یې غوښتي، چې دا پرېکړه په کلکو ټکو وغندي او د افغانستانی ښځو د ملاتړ لپاره عملي ګامونه پورته کړي.
