د طالبانو د بهرنیو چارو وزارت سرپرست امیرخان متقي د افغانستان لپاره د اروپايي ټولنې له ځانګړي استازي سره په لیدنه کې ویلي چې له ټولو هېوادونو سره د مثبتو اړیکو ساتلو پالیسي لري.
د طالبانو د بهرنیو چارو وزارت مرستیال ویاند ضیااحمد تکل چهارشنبه د سلواغې پر ۱۸مه د امیرخان متقي او د افغانستان لپاره د اروپايي ټولنې ځانګړي استازي توماس نیکلاسن ترمنځ د لیدنې خبر ورکړی دی.
متقي زیاته کړې چې په ټوله کې د دوحې راتلونکې ناستې په اړه «مثبت نظر» لري او د معناداره ګډون په اړه یې غور کوي.
په دې لیدنه کې په لندن کې د ځانګړو استازو ناستې او د دوحې راتلونکې غونډې په اړه هم خبرې اترې شوې دي.
متقي دا څرګندونې داسې مهال کړي چې نن د طالبانو د دفاع وزارت سرپرست محمدیعقوب مجاهد ویلي چې پر دوی سیاسي فشارونه هېڅ اثر نه لري.
د نوموړي په خبره، سیاسي فشارونه د دوی او خلکو ترمنځ اړیکې ټينګوي.
ورته مهال د طالبانو د ریاستالوزرا سیاسي مرستیال مولوي عبدالکبیر هم ویلي چې «له نړۍ سره ښو اړیکو، مثبت تعامل او متوازن سیاست ته ژمن دي او له هېڅ لوري سره د ستونزو غوښتونکي نه دي.»
اړوندې لیکنې :
- امیرخان متقي او د ترکمنستان سفیر په «دوه اړخیزو اړیکو» خبرې کړي
- متقي له اسراییلو سره د سوداګریزو اړیکو د پرې کولو په برخه کې د ترکیې دریځ ستایلی
- د ملګرتیا نړیواله ورځ؛ د مقاومت تیوري د دوستۍ پالیسي او د رسمي پیژندنې پالیسي
- ستانکزی: طالبان له نړۍ سره د ښو اړیکو غوښتونکي دي
- مولوي عبدالکبیر: د چین همکاري کولای شي په افغانستان کې د مثبتو بدلونونو او اقتصادي ودې لامل شي
- ملا یعقوب او د قطر د دفاع وزیر د «دوه اړخیزو اړیکو» په هکله وغږېدل