د روسیې د بهرنیو استخباراتو مدیر سرګي ناریشکین یو ځل بیا د امریکا او بریټانیا استخباراتي سازمانونه په اسیا کې له ترهګرو ډلو سره په همکارۍ تورن کړي دي.
د ټاس خبري اژانس د راپور پر بنسټ، نوموړي روسي چارواکي جمعه ناوخته د غبرګولي پر ۴مه خبریالانو ته ویلي چې القاعده او داعش د دې دوو هېوادونو د استخباراتي سازمانونو له خوا رامنځته شوي «کرکهلرونکي ترهګریز جوړښتونه» دي.
هغه د قرغزستان په پلازمېنه بشکیک کې د ډلهییز امنیتي تړون هېوادونو د امنیتي چارواکو د ناستې په څنډه کې د خبرو پرمهال زیاته کړې چې واشنګټن او لندن په افغانستان او د منځنۍ اسیا هېوادونو د وضعیت د بې ثباته کېدو لپاره له ترهګرو ډلو سره همکاري کوي.
هغه ټینګار کړی چې یوازې سوریه د دې موضوع ښکاره بېلګه نه ده؛ بلکې افغانستان هم له دغې برخې څخه ترټولو زیات زیان لیدلی دی.
روسي چارواکو په وار وار امریکا او لوېدیځ د ترهګرو ډلو په کارونې سره د اسیايي هېوادونو پر بې ثباته کېدو تورن کړي دي.
تېره ورځ د قرغزستان د ملي امنیت کمېټې مشر په ګډون د ډلهییز امنیت هېوادونو د ترهګرۍ د ګواښ د زیاتوالي په هکله اندېښنه وښوده او ویې ویل چې ترهګرې ډلې د افغانستان په شمالي ولایتونو کې د ودې په حال کې دي.
اړوندې لیکنې :
- مولوي عبدالکبیر: د چین همکاري کولای شي په افغانستان کې د مثبتو بدلونونو او اقتصادي ودې لامل شي
- ګلوب اېند مېل: افغانستان یو ځل بیا د ترهګرو په ځاله بدل شوی دی
- جاپان له افغانستان سره ۶۰۰ زره امریکايي ډالره مرسته وکړه
- د هرات امنیتي غونډه د دننه لپاره داستان جوړول یا د بهر لپاره د حل وړاندیز کول؟
- د بشري حقونو یوه بنسټ تېر کال په افغانستان کې تر ۵۰۰ ډېرو کسانو د وژل کېدو خبر ورکړی
- ایا پاکستان د ترهګرو له اېتلاف سره مخ دی؟