په پنجشېر کې ځايي سرچينې وایی، چې د طالبانو استخباراتي د بابه جان عظيمي په نوم يو ځوان تېره يکشنبه، د وږي ٢٥مه، له کابل څخه د مقاومت له جبهې سره د همکارۍ په تور نيولى دى.
بابه جان عظيمي د پنجشېر د آبشارو ولسوالۍ اصلي اوسېدونکی دی.
د بابه جان خپلوانو آماج ته ویلي چې د طالبانو له شکنجې وروسته د دغه ځوان فزیکي حالت «ښه نه دی».
د بابه جان د خپلوانو په وینا نوموړی دا مهال په کابل کې د طالبانو د استخباراتو په مرکز کې بندي دی.
د طالبانو ډلې په دې اړه څه نه دي ویلي.
