د واشنګټن پوسټ ورځپاڼې په یوه مقاله کې راپور ورکړی چې د کډوالو ضد احساسات او د توندلارو ډلو په اړه اندېښنې اروپايي هېوادونه اړ کړي چې د طالبانو سره اړیکې پراخې کړي.
د مقالې په وینا، که څه هم طالبانو تر اوسه د خپلې حکومت په رسمیت پېژندلو کې کومه بریا نه ده ترلاسه کړې، خو هغوی د خپلو ډیپلوماټیکو اړیکو پراخولو ته هڅې کوي.
د مقاله په دوام کې ویل شوي چې د طالبانو سخت دریځ په ځانګړي توګه د ښځو او مدني حقونو په برخه کې، د لوېدیځ هېوادونو له لوري د هغوی په رسمیت نه پېژندل کیدو لامل ګرځېدلی دی.
سره له دې، د واشنګټن پوسټ شنونکي باور لري چې اروپا په تدریجي توګه د طالبانو سره اړیکې زیاتوي او د دې بهیر نږدې راتلونکي کې پراختیا مومي.
