د اوکراین ولسمشر ولادیمیر زېلېنسکي ویلي، چې هغه د ټرمپ او پوتین تر منځ پلان شوې غونډه غندي.
زېلېنسکي خبرداری ورکړی، چې له اوکراین پرته هر ډول خبرې به د سولې پر ضد او بېپایلې وي.
زېلېنسکي پر خپل ټېلګرام پاڼه لیکلي، چې د اوکراين ځمکنۍ بشپړتیا د اساسي قانون برخه او د دغې غونډې موضوع نه شي کېدای.
زېلېنسکي زیاته کړې، چې اوکراين به روسیې ته نه کومه ډالۍ او نه به هم خپله خاوره ورکړي.
د راپورونو له مخې؛ د اوکرايني چارواکو ویلي، ښايي کيف ونه شي کړای چې خپلې له لاسه وتلې سيمې د جګړې له لارې بېرته ونیسي.
