اسحاق ډار د هر ډول یرغل په صورت کې به پیاوړی ځواب ورکړو

د پاکستان د بهرنیو چارو وزیر او مرستیال لومړي وزیر اسحاق ډار ویلي، چې پاکستان به په هېڅ ډول شرایطو کې لومړی ګام وانخلي؛ خو د هند له‌خوا د هر ډول یرغل ځواب به په پوره ځواک سره ورکړي.
جیونیوز د اسحاق ډار له حوالې لیکلي:« نړۍ دا مهال له یو سخت پړاو څخه تېرېږي او په ځانګړې توګه سیمه له جدي او حساسو حالاتو سره مخ ده. سوله او سوکالي باید زموږ ګډه موخه وي.»
ښاغلي ډار زیاته کړه، په ډېرو هندي ایالتونو کې د بشري حقونو جدي سرغړونې روانې دي او هند د سیمې د مېلیونونه خلکو ژوند له ګواښ سره مخ کړی دی.